Rusiya Prezidenti Vladimir Putinlə Ermənistan Baş naziri Nikol Paşinyan arasında görüşlə bağlı hələlik dəqiq razılaşma yoxdur.
“Operativ Məlumat Mərkəzi-OMM” xəbər verir ki, bunu Kremlin rəsmi nümayəndəsi Dmitri Peskov Rusiya və Ermənistan liderləri arasında təmasların hazırlanıb-hazırlanmaması ilə bağlı suala cavabında bildirib.
Onun sözlərinə görə, Ermənistanda seçki kampaniyasının yekunlaşmasından asılı olaraq müvafiq qərarlar veriləcək.
“Bildiyiniz kimi, iyunun 14-də seçkinin nəticələri ilə bağlı açıqlama gözlənilir. Bilirsiniz ki, bir çox seçki iştirakçısı etiraz etməyi planlaşdırır, səslərin yenidən hesablanması və s. Yəni bu, kifayət qədər çətin və uzun müddətdir”, - Peskov əlavə edib.
