Avropa Komissiyasının (AK) sədri Ursula fon der Lyayen ikinci müddətə seçilərsə, o, Avropa İttifaqını (Aİ) “müdafiə ittifaqı”na çevirməyi, həmçinin vahid Aİ hava hücumundan müdafiə sistemi yaratmağı təklif edəcək.
"Operativ Məlumat Mərkəzi-OMM" xəbər verir ki, "Reuters" bunu Ursula fon der Lyayenə istinadən yazıb.
“Biz Avropanın hava qalxanı və kibermüdafiəsinin yaradılmasından başlayaraq Avropa üçün ümumi maraq kəsb edən bir sıra müdafiə layihələri təklif edəcəyik”, - deyə agentlik sitat gətirib.
Onun diqqətini “əsl Avropa müdafiə ittifaqı” yaratmağa yönəldəcəyinə söz verdiyi vurğulanır.
Eyni zamanda, Ursula fon der Lyayen ikinci beş illik müddətə Avropa Komissiyasının prezidenti seçiləcəyi təqdirdə yaşıl siyasətləri azaltmayacağına söz verib.
