Ermənistan hakimiyyəti ölkədə keçiriləcək parlament seçkiləri ərəfəsində genişmiqyaslı hərbi parad təşkil etməyi planlaşdırır.
“Operativ Məlumat Mərkəzi-OMM” xəbər verir ki, bu barədə məlumatı Ermənistanın "Hraparak" qəzeti yayıb.
Nəşrin məlumatına görə, hərbi paradın 28 may – Birinci Respublika Günündə keçirilməsi nəzərdə tutulub.
Bu tarix 7 iyuna təyin edilmiş parlament seçkilərindən cəmi bir neçə gün əvvələ təsadüf edir.
Qeyd olunur ki, Baş nazir Nikol Paşinyanın rəhbərliyi dövründə müstəqillik məsələsində geriləmələr yaşansa da, bu paradın keçirilməsində əsas məqsəd siyasi piar kampaniyasıdır.
"Hraparak" qəzeti həmçinin bildirir ki, parad üçün hazırlıqlara hələ ötən ilin dekabr ayından başlanılıb:
Müdafiə Nazirliyinə hərbi hissələrdən müvafiq xarici görünüşə malik hər iki cinsdən olan hərbi qulluqçuların seçilməsi tapşırılıb. Artıq hərbi hissələrdə paradla bağlı məşqlər keçirilir.
