"Real Madrid"in hücumçusu Vinisius Juniorun Səudiyyə Ərəbistanı klubunun təklifini niyə rədd etdiyi məlum olub.
"Operativ Məlumat Mərkəzi-OMM" xəbər verir ki, bu barədə ESPN məlumat yayıb.
Mənbənin məlumatına görə, braziliyalı transferlə bağlı qərar verməyi 2025-ci ilin yayına qədər təxirə salıb.
O, bu il "Qızıl top"u qazanacağına ümid edir və Madriddə şansının daha çox olduğuna inanır.
Daha əvvəl mediada səudiyyəlilərin Vinisiusun transferi üçün "Real Madrid"ə 1 milyard avro, futbolçunun özünə isə illik 350 milyon avro maaş təklif etdiyi barədə məlumatlar yayılıb.
