OMM Redaksiyası
Veteran futbolçu Vəli Qasımov Misli Premyer Liqasının VII turunda keçirilən “Neftçi” – “Sabah” qarşılaşması barədə fikirlərini bölüşüb.
O bildirib ki, uzun milli fasilədən sonra oyunlara köklənmək komandalar üçün çətin olsa da, hər iki tərəf maraqlı futbol nümayiş etdirib. Qasımovun sözlərinə görə, görüş gərgin mübarizə şəraitində keçib və komandalar qələbə qazanmaq üçün əllərindən gələni ediblər.
Veteran futbolçu fasilənin oyun ritminə təsir edə biləcəyini vurğulayıb. Onun fikrincə, rəsmi oyunlara qayıtdıqdan sonra əvvəlki tempi bərpa etmək və komanda şəklində istənilən səviyyədə çıxış etmək üçün vaxt tələb olunur.
Qasımov ümumi oyun mənzərəsinə əsasən “Neftçi”nin “Sabah”dan bir qədər üstün göründüyünü qeyd edib. Bununla belə, üstün oyunun hər zaman nəticəyə çevrilmədiyini deyən mütəxəssis yaranan imkanlardan maksimum yararlanmağın vacibliyini bildirib.
“Palms Sports Arena”da keçirilən görüş qolsuz heç-heçə ilə başa çatıb.
