Afət Ziyadqızı
ABŞ Ədliyyə Nazirliyi Vaşinqtonda cinayətlə mübarizə səylərini gücləndirəcək.
"Operativ Məlumat Mərkəzi-OMM" xəbər verir ki, bu barədə nazirliyin saytında məlumat verilib.
Qeyd olunub ki, Amerika paytaxtında zorakılıq aktları və avtomobil oğurluğuna görə məsuliyyət daşıyanların təqib edilməsi üçün əlavə hüquq-mühafizə alətləri və resurslarından istifadə olunacaq.
Vaşinqton polisinin məlumatına görə, 2022-ci illə müqayisədə 2023-cü ildə şəhərdə cinayətlər 39%, soyğunçuluqlar isə 67% artıb.
Bundan əlavə, bu müddət ərzində Vaşinqtonda avtomobil oğurluğu hallarında 82%, yandırma hallarında isə 175% artım qeydə alınıb.
