Yaponiyada ata 7 yaşlı oğlunu Fuci dağına qalxarkən yorulduğu üçün tək qoyaraq yoluna davam edib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, hadisə cümə axşamı Yaponiyanın ən hündür dağı olan Fucinin təxminən 2 500 metr yüksəklikdə yerləşən dağ daxmalarından birinin yaxınlığında baş verib.
Orada olan biri azyaşlı uşağı tək vəziyyətdə görüb və polisə məlumat verib.
Məlumata görə, uşaq atası və böyük qardaşı ilə birlikdə dağa qalxırmış. Uşaq yorulduğunu və daha getmək istəmədiyini deyəndən sonra atası ona Fucinomiya marşrutunun altıncı stansiyasındakı skamyada gözləməyi tapşırıb. Ata digər oğlu ilə birlikdə yürüşü davam etdirib.
Təxminən beş saat sonra ata və böyük oğlu geri qayıtdıqda uşağın yanında polisləri görüblər. Sağlamlıq vəziyyəti yaxşı olan uşaq atasına təhvil verilib.
Polis ataya bu davranışına görə cinayət məsuliyyəti yarana biləcəyi barədə xəbərdarlıq edib, ata baş verən hadisədən peşman olduğunu deyib.
