Taylandda sərnişin qatarının tikinti kranı ilə toqquşması nəticəsində azı 22 nəfər ölüb.
“Operativ Məlumat Mərkəzi-OMM” Taylandın PBS televiziya kanalına istinadən xəbər verir.
Banqkokdan Ubon Ratçataniyə hərəkət edən sərnişin qatarı Nakhon Ratçasima əyalətinin Sikhio rayonunda yüksək sürətli dəmir yolu xəttinin tikinti sahəsində relslərə düşən tikinti kranı ilə toqquşub.
PBS telekanalının məlumatına görə, Nakhon Ratçasima əyalətində baş verən qəza nəticəsində ölənlərin sayı 22-yə çatıb.
Toqquşma nəticəsində qatar relsdən çıxıb, bir neçə vaqon yanıb. “Khaosot” qəzeti isə hadisə zamanı azı dörd nəfərin öldüyünü, daha 40 nəfərin xəsarət aldığını bildirib.
