Fevralın 27-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
“Operativ Məlumat Mərkəzi-OMM” xəbər verir ki, bu barədə proqnozu Milli Hidrometeorologiya Xidməti açıqlayıb.
Bakıda yağış və güclü külək gözlənilirmi?
Sinoptiklərin məlumatına görə, səhər bəzi yerlərdə az çiskinli, axşam isə yağıntılı olacağı, gecəyə doğru prosesin intensivləşəcəyi ehtimalı var. Şimal-şərq küləyi gündüz bəzi yerlərdə arabir güclənəcək.
Paytaxtda havanın temperaturu gecə 3-5° isti, gündüz 6-8° isti olacaq. Atmosfer təzyiqi 763 mm civə sütunu təşkil edəcək, nisbi rütubət isə 75-85 % olacaq.
Rayonlarda hava proqnozu: Qar və şaxta
Azərbaycanın rayonlarında hava şəraitinin bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə yağıntıların intensivləşəcəyi ehtimalı var. Gecə və səhər bəzi yerlərdə duman olacaq, şərq küləyi bəzi yerlərdə arabir güclənəcək.
Temperatur göstəriciləri aşağıdakı kimi olacaq:
Aran rayonlarında gecə 3-6° isti, gündüz 6-10° isti, dağlarda isə gecə 3-8° şaxta, gündüz 0-3° şaxta proqnozlaşdırılır.
