ABŞ-nin NATO-dakı daimi nümayəndəsi Metyu Uitaker Vaşinqtonun Rusiyanın Yaxın Şərq münaqişəsində İrana kömək etdiyinə dair heç bir dəlil görmədiyini bildirib.
"Operativ Məlumat Mərkəzi-OMM"xəbər verir ki, bu barədə xarici KİV məlumat yayıb.
Onun sözlərinə görə, Rusiyanın İranın hərbi fəaliyyətlərində iştirak etdiyini təsdiqləyən faktlar mövcud deyil.
“Rusiyanın İranın hərəkətlərində iştirak etdiyini açıq şəkildə deyə biləcəyimizə dair heç bir dəlil yoxdur. Bundan əlavə, ABŞ Prezidentinin xüsusi nümayəndəsi Stiv Uitkof da Rusiyanın bunu etmədiyini bildirdiyini deyib”, – deyə Uitaker qeyd edib.
Qeyd edək ki, ABŞ Prezidentinin nümayəndəsi Stiv Uitkof bir müddət əvvəl CNBC telekanalına açıqlamasında Rusiyanın İrana kəşfiyyat məlumatları vermədiyini bildirmişdi.
