Birləşmiş Ştatlar Ukraynadakı münaqişənin diplomatik yolla həllinə dair nikbinliyini qoruyur.
"Operativ Məlumat Mərkəzi-OMM" xəbər verir ki, bu barədə məlumatı "CNN" telekanalının müxbiri Heyli Britzki hökumət nümayəndəsinə istinadən özünün "X" sosial şəbəkə hesabında paylaşıb.
Mənbənin sözlərinə görə, Vaşinqton Cenevrədə keçiriləcək görüşlərdən müsbət nəticələr gözləyir:
"Biz nikbinliyimizi qoruyuruq və münaqişənin tezliklə həllini səbirsizliklə gözləyirik".
Digər tərəfdən, Rusiya Prezidentinin mətbuat katibi Dmitri Peskov məsələ ilə bağlı fərqli mövqe nümayiş etdirib.
O, bu gün Cenevrədə keçirilən müzakirələrdən hər hansı mühüm xəbərin gözlənilmədiyini vurğulayıb.
Peskov əlavə edib ki, üçtərəfli danışıqlar mətbuat üçün qapalı rejimdə baş tutacaq.
