Ukrayna hökuməti ölkənin bütün regionlarında mülki şəxslər üçün hərbi təlim mərkəzlərinin açılması barədə qərar qəbul edib.
"Operativ Məlumat Mərkəzi-OMM" xəbər verir ki, bu barədə Vladimir Zelenskinin ofisi məlumat yayıb.
“Ukraynanın hər bir regionunda vətəndaşları milli müqavimətə hazırlamaq mərkəzləri fəaliyyət göstərəcək”, - mətndə deyilir.
Mərkəzlərin rəhbərləri hərbi idarələrin tövsiyələri əsasında regional şuralar tərəfindən təyin ediləcək və regional müdafiə qüvvələri standart təlim proqramını təsdiq edəcəklər.
Zelenskinin Baş Qərargah rəisinin müavini Pavlo Palisa daha əvvəl demişdi ki, Ukraynanın bütün vətəndaşları, o cümlədən qadınlar orduda xidmət etməlidir, əks halda onlar bir sıra hüquqlardan məhrum olacaqlar.
