Ukrayna Prezidenti Vladimir Zelenski ölkəsinin müdafiə imkanlarını gücləndirmək məqsədilə Fransadan 100-ə qədər “Rafale” qırıcı təyyarəsi əldə etməyi planlaşdırdıqlarını bildirib.
"Operativ Məlumat Mərkəzi-OMM" xarici KİV-ə istinadən xəbər verir ki, dövlət başçısının sözlərinə görə, sövdələşmə çərçivəsində Ukraynanın əlavə hava hücumundan müdafiə sistemləri və dronlar alması da nəzərdə tutulur.
Zelenski bu addımın Ukraynanın hava məkanının qorunmasında əhəmiyyətli rol oynayacağını vurğulayıb.
Hazırda tərəflər hərbi-texniki yardım paketinin detalları üzərində danışıqları davam etdirirlər.
