UEFA Avro-2024-ün finalından sonra qələbənin qeyd olunması zamanı davranışlarına görə İspaniya millisinin futbolçuları Rodrini və Alvaro Moratı bir oyunluq diskvalifikasiya edib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə təşkilatın mətbuat xidməti məlumat yayıb.
Qeyd edilib ki, qələbənin qeyd olunması zamanı futbolçular dəfələrlə "Cəbəllütariq İspaniyadır" şüarını səsləndiriblər. Bununla bağlı Cəbəllütariq Futbol Assosiasiyası UEFA-ya şikayət edib.
Nəticədə futbolçular cəzalandırılıblar.
Xatırladaq ki, İspaniya millisi final görüşündə İngiltərəni (2:1) məğlub edib.
