ABŞ-nin Cənubi Karolina ştatında yerləşən universitetlərin birinin kampusunda atışma baş verib. Nəticədə iki nəfər ölüb, azı bir nəfər yaralanıb.
"Operativ Məlumat Mərkəzi-OMM" xəbər verir ki, bu barədə “Fox News” telekanalı məlumat yayıb.
Universitet rəhbərliyi karantin rejimi elan edib və təhlükəsizlik tədbirlərinin hazırda da qüvvədə olduğu bildirilib.
Məlumata görə, araşdırmaya Cənubi Karolina Hüquq-Mühafizə Departamenti (SLED) rəhbərlik edir.
Universitetdə fevralın 13-də dərslər ləğv olunub, tələbələrə psixoloji dəstək göstərildiyi qeyd edilib. Atışmanı törədən şəxsin kimliyi və hadisənin motivləri barədə hələlik rəsmi açıqlama verilməyib.
