Türkiyə ABŞ ilə Yaxın Şərqlə bağlı danışıqlar aparacaq və ortaq planlar hazırlayacaq.
"Operativ Məlumat Mərkəzi-OMM" xəbər verir ki, bu barədə "Ekonomim" qəzeti məlumat yayıb.
ABŞ-ın yeni seçilmiş prezidenti Donald Tramp bundan əvvəl Suriyada silahlı müxalifəti hakimiyyətə gətirən son hadisələrin arxasında duran əsas qüvvələrin Türkiyə və prezident Rəcəb Tayyib Ərdoğan olduğunu bildirib. Bunun əksinə olaraq Türkiyə prezidenti Trampla vəzifəyə gəldikdən sonra Suriya ilə bağlı danışıqlara inandığını və bunun region üçün vacib olduğunu vurğulayıb.
"Dünənə qədər Türkiyə regionun bir çox ölkəsi ilə eyni vaxtda fəaliyyət göstərirdi. İndi ABŞ-la ortaq plan və ya razılaşma ortaya çıxıb. Şübhəsiz ki, müəyyən görüşlər, danışıqlar aparılacaq. Proseslər də zaman-zaman baş verəcək. Lakin ümumilikdə ortaq hərəkət zəminləri pozulmayacaq",- deyə qezet qeyd edib.
Nəşr hesab edir ki, ABŞ-la danışıqlar Türkiyədə mövcud hakimiyyəti qoruyub saxlamağa kömək edəcək.
