Türkiyənin hakim partiyası prezident Rəcəb Tayyib Ərdoğanın Kazanda keçiriləcək BRİKS sammitində iştirak edəcəyini təsdiqləyib.
"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.
Hakim Ədalət və İnkişaf Partiyasının rəsmi nümayəndəsi Ömər Çelik Ərdoğanın sammitdə iştirakının Türkiyənin xarici siyasəti üçün həlledici olacağını bildirib.
Ərdoğan tədbir çərçivəsində Rusiya prezidenti Vladimir Putin də daxil olmaqla bir sıra ikitərəfli görüşlər keçirməyi planlaşdırır. Liderlər arasında danışıqların gündəliyinə Ukrayna münaqişəsinin və Yaxın Şərqdəki vəziyyətin sülh yolu ilə həlli üçün Türkiyənin vasitəçiliyi daxil ola bilər.
