Hökumətdə bu qədər qərbyönlü siyasətçinin olması ilə Türkiyə parlamentinin ölkənin BRİKS-də iştirakını təsdiqləməsi asan proses olmayacaq.
"Operativ Məlumat Mərkəzi-OMM" xəbər verir ki, bu barədə Türkiyənin Vətən Partiyasının sədr müavini Hakan Topkurulu RİA Novosti-yə müsahibəsində bu məsələ ilə bağlı danışıb.
O, hətta parlamentdə “bu qədər qərbli”nin olduğu halda da Ankaranın BRİKS-ə qoşulmaq üçün müraciət etməsini çox mühüm fakt və “böyük siyasi cəsarət” adlandırıb.
“Ümid edirəm ki, BRİKS səhv etməyəcək və Türkiyənin namizədliyi üçün problem yaratmayacaq. Ancaq BRİKS-ə üzvlüyün Türkiyə Böyük Millət Məclisində təsdiqlənməsi asan olmayacaq”,- deyə o bildirib.
Topkurulu bildirib ki, bu mübarizənin nəticəsi həm Atlantik, həm də Asiya tərəfləri üçün çox mühüm nəticələr verəcək.
Siyasətçi Türkiyənin “BRİKS-ə üzvlük uğrunda mübarizəsini uğurla başa çatdıracağına” ümid etdiyini də bildirib.
