“Beşiktaş” sol cinah müdafiəçisi axtarışlarını davam etdirir.
"Operativ Məlumat Mərkəzi-OMM" xarici KİV-ə istinadən xəbər verir ki, Türkiyə klubunun hazırda “Roma”da icarə əsasında çıxış edən 29 yaşlı yunan müdafiəçi Konstantinos Tsimikas üçün “Liverpul”a rəsmi təklif göndərdiyi bildirilir.
Məlumata görə, İstanbul təmsilçisi eyni zamanda “Liverpul”un qapıçısı Giorgi Mamardaşvili üçün də müraciət edib.
Qeyd olunur ki, “Beşiktaş” transferi yekunlaşdırmaq üçün ciddi səylər göstərir və sol cinah müdafiəçisi mövqeyi üzrə artıq həlledici mərhələyə çatıb.
Yunanıstan millisində 47 oyun keçirən və 1 qol vuran Tsimikas bu mövsüm “Roma”nın heyətində A Seriyasında 11 matçda meydana çıxıb.
“Transfermarkt” portalının məlumatına əsasən, futbolçunun hazırkı bazar dəyəri 10 milyon avro təşkil edir.
