Neft bazarındakı mənbələrdən verilən məlumata görə, "Azeri Light" markalı Azərbaycan neftinin qiymətində eniş müşahidə olunub. Hərracların yekununa əsasən, "Brent" markalı neftin iyul fyuçersləri 93,56 ABŞ dolları səviyyəsində qərarlaşıb.
Türkiyənin Ceyhan limanında FOB bazasında satılan "Azeri Light" neftinin bir bareli isə 2,49 ABŞ dolları və ya 2,53 % ucuzlaşaraq 95,89 ABŞ dollarına düşüb.
Qeyd edək ki, Azərbaycanın cari il üçün dövlət büdcəsində bir barel neftin orta qiyməti 65 ABŞ dolları olaraq götürülüb.
Xatırladaq ki, "Azeri Light" neftinin tarixi qiymət göstəriciləri aşağıdakı kimidir:
- Minimal qiymət: 2020-ci il aprelin 21-də 15,81 ABŞ dolları.
- Maksimal qiymət: 2008-ci ilin iyulunda 149,66 ABŞ dolları.
Sözügedən neft növü "Azəri-Çıraq-Günəşli" (AÇG) yataqlar blokunun işlənməsi üzrə müqavilə çərçivəsində hasil olunur. Bu müqavilədə Azərbaycan Dövlət Neft Şirkətinin (SOCAR) payı 31,65 % təşkil edir.
