ABŞ Prezidenti Donald Trampın dünən Ədliyyə naziri Pam Bondini vəzifədən azad etdikdən sonra ABŞ Milli Kəşfiyyat Direktoru (DNI) Tulsi Gabbardı, Ticarət naziri Howard Lutnicki, Əmək naziri Lori Chavez-DeRemeri və ABŞ Federal Təhqiqat Bürosunun (FBI) direktoru Kash Pateli də vəzifədən azad etməyi nəzərdən keçirdiyi iddia olunur.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, mart ayının sonunda Daxili Təhlükəsizlik naziri Kristi Noemin, dünən isə Ədliyyə naziri Pam Bondinin ardınca Tramp administrasiyasında başqa yüksək vəzifəli şəxslərin də vəzifədən uzaqlaşdırılmasının müzakirə edildiyi irəli sürülüb.
Adları açıqlanmayan mənbələr qeyd ediblər ki, İrana hücumları “vicdanən dəstəkləyə bilməyəcəyini” bildirən DNI direktoru Qabbarddın martın 17-də istefa verən Milli Terrorla Mübarizə Mərkəzinin direktoru Joe Kenti “qoruması” da Trampı qəzəbləndirib.
Mənbələr iddia edirlər ki, Tramp Qabbardın yerinə başqa birinin gətirilib-gətirilməməsi ilə bağlı kabinet üzvlərindən fikir soruşub.
Digər tərəfdən, mənbələr Qabbardın yerini tuta biləcək önə çıxan konkret bir namizədin olmadığını bildirərək, kabinet üzvlərinin “əvəzləyici hazır olmadan belə yüksək vəzifənin boş saxlanmaması” barədə Trampı xəbərdar etdiyini qeyd ediblər.
