Kanadanın baş naziri Castin Trüdo ABŞ prezidenti Donald Trampla telefon danışığında Ukrayna üçün təhlükəsizlik zəmanətlərinin Rusiya ilə mümkün sülh sazişinə daxil edilməli olduğunu bildirib.
"Operativ Məlumat Mərkəzi-OMM" xəbər verir ki, bu barədə “Globe and Mail” qəzeti adı açıqlanmayan mənbəyə istinadən yayıb.
Kanadanın baş naziri vurğulayıb ki, hər kəs münaqişənin bitməsini istəyir, lakin mümkün nizamlanma sazişi Rusiyanın ərazisini daha da genişləndirmək üçün hərbi gücdən istifadə etməsinə imkan verməməlidir.
Adını nəşrə açıqlamaq istəməyən mənbə Trampın Trüdonun fikri ilə razılaşmadığını, lakin heç bir etiraz etmədiyini bildirib.
