Ərdoğan və Trampın NATO Zirvəsi çərçivəsində Ukrayna-Rusiya sülh gündəmini müzakirə edəcəyi bildirilir.
“Operativ Məlumat Mərkəzi-OMM” xəbər verir ki, bu barədə Türkiyənin “Milliyet” qəzeti məlumat yayıb.
Məlumata görə, Türkiyə Prezidenti Rəcəb Tayyib Ərdoğan və ABŞ-nin Prezidenti Donald Trampın NATO sammiti çərçivəsində bir araya gələrək Rusiya ilə Ukrayna arasında sülh danışıqlarının bərpası perspektivlərini müzakirə edəcəyi iddia olunur.
Qeyd olunur ki, Şimali Atlantika Alyansının növbəti sammiti iyulun 7–8-də Ankarada keçiriləcək və tədbirdə NATO-ya üzv 32 dövlətin liderləri, eləcə də xarici işlər və müdafiə nazirləri iştirak edəcək.
Məlumata əsasən, sammitə Asiya-Sakit Okean regionunun tərəfdaş ölkələri olan Yaponiya, Cənubi Koreya, Avstraliya və Yeni Zelandiya nümayəndələrinin də qatılması gözlənilir.
Bildirilir ki, Türkiyə Prezident Administrasiyasının Kommunikasiya İdarəsinin rəhbəri Bürhanəddin Duranın açıqlamasına görə, sammitin əsas gündəliyində Avroatlantik regiondakı təhlükəsizlik təhdidləri, Ukrayna böhranı və NATO-nun cənub cinahındakı məsələlər dayanır.
