ABŞ prezidenti Donald Tramp Rusiya lideri Vladimir Putinlə istənilən vaxt görüşməyə hazır olduğunu bildirib.
"Operativ Məlumat Mərkəzi-OMM"-in xəbərinə görə, jurnalistlərin suallarını cavablandıran Ağ Ev rəhbəri Rusiya lideri ilə təmasının çox yaxında baş tutacağına ümid etdiyini bildirib.
"Biz bu məsələyə baxacağıq. Ukrayna prezidenti Vladimir Zelenski ilə əlaqə saxlayırıq. Prezident Putinlə tezliklə danışacağıq. Nə olacağını görəcəyik", - respublikaçı cavab verib.
O, əlavə edib ki, Çin prezidenti Si Cinpindən Ukraynadakı münaqişənin həllinə köməklik göstərməsini xahiş edib.
ABŞ prezidenti həmçinin Moskvanın Rusiya-Ukrayna müharibəsinin dayandırılması ilə bağlı danışıqlar aparmayacağı təqdirdə Rusiyaya qarşı sanksiyaların daha da sərtləşdirilməsini mümkün hesab edib.
