ABŞ prezidenti Donald Tramp bu il Çinə səfər edə bilər.
"Operativ Məlumat Mərkəzi-OMM" xəbər verir ki, prezident bu barədə Ağ Evdə jurnalistlərə açıqlamasında bildirib.
Amerika lideri əslində məsələnin Pekinin Vaşinqtona dəvət göndərməsindən çox asılı olduğunu açıq şəkildə ifadə edib.
Onun açıqlamalarından belə nəticə çıxır ki, belə bir dəvət hələ mövcud deyil.
Amerika lideri bu il Çinə gedib-getməyəcəyi ilə bağlı sualı cavablandırarkən, "Ola bilər" cavabını verib.
“The Wall Street Journal” yanvarın 19-da mənbələrə istinadən yazıb ki, Tramp vəzifədə olduğu ilk 100 gün ərzində Çinə səfər etməyi düşünür.
Qəzet qeyd edib ki, bu məsələ ilə bağlı yekun qərar hələ verilməyib. Səfərin məqsədi Çin Xalq Respublikasının sədri Si Cinpinlə əlaqələri gücləndirmək olacaq.
