Qazaxıstan Ermənistanla Azərbaycan arasında uzunmüddətli sülhün bərqərar olması üçün hər cür səyləri dəstəkləyir, çünki bu, Astananın maraqlarına cavab verir.
"Operativ Məlumat Mərkəzi-OMM" xəbər verir ki, bunu Qazaxıstan lideri Kasım-Jomart Tokayev aprelin 15-də İrəvana planlaşdırılan səfəri ərəfəsində "Armenpress" agentliyinə müsahibəsində deyib.
"İrəvanla Bakı arasında möhkəm və uzunmüddətli sülhün bərqərar olması ölkəmizin maraqlarına cavab verir. Sülhməramlı təşəbbüslərin təşəbbüskarı və tərəfdarı olaraq Qazaxıstan bölgəmizin dinc və sabit inkişafına yönəlmiş istənilən səyləri dəstəkləməyə hazırdır".
Onun sözlərinə görə, Qazaxıstan BMT Nizamnaməsində təcəssüm olunan beynəlxalq hüququn norma və prinsiplərinə prinsipial sadiqliyini daim qoruyub saxlayır.