Türkiyənin Tokat vilayətində baş verən 5,6 bal gücündə zəlzələ nəticəsində bir sıra binalara ciddi ziyan dəyib.

"Operativ Məlumat Mərkəzi-OMM" xəbər verir ki, bu barədə Türkiyənin səhiyyə naziri Fahrettin Koca bildirib.

Tokatda bir ev və iki məscidin minarələri dağıdılıb. Bundan başqa, zəlzələnin təsiri ilə Yozgat şəhərində 3 ev ciddi zərər çəkib.

Tokatda təbii fəlakət zamanı bir nəfər xəsarət alıb.

Hadisə yerində xilasedicilər və təcili tibbi yardım briqadaları işləyir.

***

Türkiyədə Tokat şəhərinin Sulusaray rayonunda 5,6 maqnitudada zəlzələ olub.

"Operativ Məlumat Mərkəzi-OMM" xəbər verir ki, bu barədə Fəlakət və Fövqəladə Halların İdarə Olunması İdarəsi (AFAD) məlumat yayıb.

Bildirilib ki, dərinliyi 5,99 kilometr olan zəlzələ ətraf əyalətlərdə də hiss olunub.

Gürcüstanın baş naziri İrakli Kobaxidze bildirib ki, bu və ya digər müxalifət partiyasının ölkədə inqilab təşkil etmək üçün təkrar cəhdləri onların qadağan edilməsinə səbəb ola bilər.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

Onun sözlərinə görə, iğtişaşlara görə müxalifət partiyaları, eləcə də Gürcüstanın xarici tərəfdaşları məsuliyyət daşıyır. O, bunu xarici agentlər haqqında qanun layihəsini yanlış şərh etdikləri ilə izah edib.

Türkiyənin 12 vilayətində İŞİD təşkilatının tərəfdarı olmaqda şübhəli bilinən şəxslər saxlanılıb.

"Operativ Məlumat Mərkəzi-OMM" xəbər verir ki, bu barədə ölkənin daxili işlər naziri Əli Erlikaya bildirib.

Daxili İşlər Nazirliyi rəhbərinin açıqlamasına görə, əməliyyatlar zamanı ümumilikdə 41 nəfər saxlanılıb, onlardan 10-u İstanbulda yaxalanıb. Qeyd olunub ki, saxlanma yerlərində odlu silahlar aşkar edilib.

Qazaxıstan hakimiyyəti mayın 1-dən etibarən ölkənin hava limanlarında əlavə aviasiya təhlükəsizliyi tədbirləri görəcək.

"Operativ Məlumat Mərkəzi-OMM" xəbər verir ki, bu barədə Respublika Nəqliyyat Nazirliyinin mətbuat xidməti məlumat verib.

Bildirilib ki, sərnişin terminallarının girişindəki ilk yoxlama xətti qadağan olunmuş əşyaların terminala gətirilməsinə nəzarət etmək üçün nəzərdə tutulub. Nazirlik sərnişinlərdən yoxlama və qeydiyyat üçün əvvəlcədən hava limanlarına gəlmələrini xahiş edib.

Qazaxıstanda sabiq daxili işlər naziri Erlan Turqumbayev saxlanılıb.

"Operativ Məlumat Mərkəzi-OMM" xəbər verir ki, bu barədə “Kazinform” agentliyi mənbələrə istinadən məlumat yayıb.

Qazaxıstanın Daxili İşlər Nazirliyinin sabiq rəhbəri 2022-ci ilin yanvarında baş vermiş faciəvi hadisələrlə bağlı vəzifə səlahiyyətlərindən sui-istifadə maddəsi ilə ona qarşı açılmış cinayət işi çərçivəsində saxlanılıb.

Agentlik qeyd edib ki, martın 20-də o, artıq prokurorluqda dindirilib. Erlan Turqumbayev 2019-cu ildən Daxili İşlər Nazirliyinə rəhbərlik edib və 2022-ci ilin fevralında yanvar hadisələrindən sonra tutduğu vəzifədən azad edilib. Daha sonra o, altı aya yaxın Qazaxıstan prezidentinin müşaviri olub.

Məlumatı Qazaxıstan Baş Prokurorluğu da təsdiqləyib. Qeyd olunub ki, Qazaxıstan Respublikasının Baş Prokurorluğu 2022-ci ilin yanvar hadisələri ilə bağlı cinayət işlərinin istintaqını davam etdirib.

Belə ki, bu il aprelin 29-da keçmiş daxili işlər naziri Erlan Turqumbayev ağır nəticələrə səbəb olan vəzifə səlahiyyətlərindən sui-istifadə etdiyinə görə saxlanılıb.

İranın Şərqi Azərbaycan əyalətinin mərkəzi Təbrizin yay parkındakı kanalizasiya xəttində baş verən partlayış nəticəsində 4 nəfər yaralanıb.

"Operativ Məlumat Mərkəzi-OMM" İRNA-ya istinadən xəbər verir ki, bu barədə fövqəladə hallar qurumunun ictimaiyyətlə əlaqələr üzrə rəsmisi Vahid Şadiniya bildirib.

Məlumata görə, yaralılar Təbrizdəki İmam Rza xəstəxanasına yerləşdirilib.

Şərqi Azərbaycan əyaləti Fövqəlada Hallar İdarəsi mətbuat xidmətinin məlumatına əsasən, Bostanabad rayonunun İranak kəndində təbii qaz balonunun partlaması nəticəsində isə 6 nəfər yaralanıb. Onlar hospitala yerləşdirilib.