Taylandın Praçuab Kiri Xan əyaləti sahillərində kiçik təyyarənin dənizə düşməsi nəticəsində 6 polis əməkdaşı həlak olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tayland polisinin verdiyi açıqlamaya görə, Praçuab Kiri Xan əyalətinin Hua Hin rayonunda kiçik bir polis təyyarəsi paraşüt təlimindən əvvəl sınaq uçuşu üçün havaya qalxıb.
Yerli vaxtla saat 08:00 radələrində sınaq uçuşu zamanı "DHC-6-400 Twin Otter" model təyyarəsi Hua Hin hava limanı yaxınlığında dənizə düşüb.
Qəzada təyyarədə olan 6 polis əməkdaşı həyatını itirib, hadisə ilə bağlı araşdırma başlanıb.
