Dünyanın ən böyük elektrik avtomobil akkumulyatoru istehsalçısı Çin Contemporary "Amperex Technology Limited" (CATL) sənayedə rəqabəti daha da gücləndirəcək yeni nəsil akkumulyator texnologiyasını təqdim edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Şirkətə görə, yeni “Shenxing” akkumulyatoru cəmi 5 dəqiqəlik şarjla təxminən 500 kilometr (320 mil) məsafə qət edə bilir.
CATL-nin elanı Çinli rəqibi BYD-nin keçən ay elan etdiyi “Tesla qatili” adlandırılan yeni batareya texnologiyasından sonra gəlir.
BYD-nin akkumulyatorları 5 dəqiqəlik şarjla təqribən 400 kilometr məsafə qət edə bildiyi halda, CATL bu rəqəmi 100 kilometr artırıb.
Qeyd edək ki, "Tesla"nın "Supercharger" texnologiyası 15 dəqiqəyə yalnız 320 kilometr məsafə qət edə bilir.
