ABŞ Prezidenti Donald Tramp digər ölkələrin, xüsusilə də Çinin kömürlə işləyən istilik elektrik stansiyaları açmaqla ölkəsi üzərində iqtisadi üstünlük əldə etdiyini əsas gətirərək, komandasına kömürlə enerji istehsalına dərhal başlamaq səlahiyyəti verdiyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Tramp məsələ ilə bağlı “Truth Social” sosial media hesabından açıqlama verib.
“Ekstremistlər, dəlilər, radikallar və quldurlar tərəfindən illərlə əsir saxlanıldıqdan və digər ölkələrə, xüsusən də Çinə yüzlərlə kömür zavodu açmaqla bizim üzərimizdə böyük iqtisadi üstünlük əldə etməyə icazə verdikdən sonra komandama dərhal gözəl, təmiz kömürlə enerji istehsalına başlamaq icazəsi verirəm”, - deyə paylaşımda deyilir.
