OMM Redaksiyası
ABŞ Prezidenti Donald Tramp Qəzzada HƏMAS və digər silahlı qrupların tərksilah edilməsi ilə bağlı tarixi razılaşma əldə olunduğunu açıqlayıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
O bildirib ki, Sülh Şurası HƏMAS və Qəzzadakı digər bütün silahlı qrupların tam şəkildə silahı yerə qoyması barədə razılığa gəlib.
Trampın sözlərinə görə, tərksilah prosesi başa çatdıqca İsrail qüvvələri Qəzzadan mərhələli şəkildə geri çəkiləcək.
Tramp qeyd edib ki, bu proses çərçivəsində Beynəlxalq Sabitlik Qüvvəsi yeni yaradılacaq Fələstin polis qüvvəsi ilə birlikdə çalışaraq Qəzza sakinləri və qonşu bölgələr üçün təhlükəsizliyin təmin olunmasına dəstək verəcək.
ABŞ prezidenti vasitəçilik səylərinə görə Türkiyə, Qətər və Misirə təşəkkür edib.
"Tarixi irəliləyiş əldə etmişik, lakin görüləcək hələ çox iş var", - o bildirib.
Tramp vurğulayıb ki, əldə olunan razılaşma Qəzzanın yeni Fələstin hökuməti tərəfindən idarə olunmasına doğru atılmış mühüm addımdır və Yaxın Şərqdə davamlı sülhün təmin edilməsi baxımından tarixi əhəmiyyət daşıyır.
