Tailandın Myanma ilə sərhədə yaxın hissəsində atışma baş verib.
"Operativ Məlumat Mərkəzi-OMM" xarici KİV-ə istinadən xəbər verir ki, atışma təxminən 15 dəqiqə davam edib.
Hadisə nəticəsində, narkotik qaçaqmalçılığında şübhəli bilinən 15 nəfər zərərsizləşdirilib.
Əməliyyat zamanı 2 milyon metamfetamin həbi ələ keçirilib. Polis hadisə ilə bağlı araşdırmalara başlayıb.
Qeyd edək ki, Myanma Cənub Şərqi Asiyada narkotik vasitələrin istehsalı məşğul olan əsas ölkə kimi tanınır.
Sərhəd ərazilərin bir hissəsi silahlı qruplaşmalar tərəfindən idarə olunur.
Ölkədə 2021-ci ildə baş vermiş hərbi çevriliş narkotik vasitələrin dövriyyəsinin daha da artmasına zəmin yaradıb.
