Tacikistanda Spitamen rayonunda neft bazasında baş verən yanğın nəticəsində bir nəfər ölüb.
"Operativ Məlumat Mərkəzi-OMM" Tacikistan KİV-ə istinadən xəbər verir ki, bu barədə ölkənin Daxili İşlər Nazirliyinin Yanğınsöndürmə xidmətindəki mənbə bildirib.
“Yanğına səbəb avtosisternin yanacaqla doldurulması zamanı təhlükəsizlik qaydalarına əməl edilməməsi olub”, - o əlavə edib.
Yanğının söndürülməsinə təxminən 2 saat vaxt sərf olunub. Dəymiş zərəri müəyyənləşdirmək üçün hadisə yerində mütəxəssislər işləyirlər.
