Suriyanın Hələb vilayətinin Şeyhmaksut və Eşrefiyye məhəllələrində mövcudluğunu davam etdirən terror təşkilatı Tarsus və Lazkiyədə baş verən hadisələrdən istifadə edərək Hələbdəki Suriya ordusu əsgərlərini hədəfə alıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Hələbin şəhər mərkəzində təşkilatın hücumuna Suriya ordusu cavab verib və terror aktının qarşısını alıb.
Suriya Müdafiə Nazirliyinin sözçüsü, polkovnik Həsən Əbdülqəni verdiyi açıqlamada, təhlükəsizlik qüvvələrinin Hələb şəhər mərkəzindəki Əşrəfiyə rayonunda PKK/YPG-nin həyata keçirdiyi hücumu dəf etdiyini bildirib.
Məlumatda terror təşkilatının itki verdiyi də qeyd olunub.
