Sudanda ordu ilə toqquşan Çevik Dəstək Qüvvələri (HDK) atəşkəsi qəbul etdiklərini açıqlayıb.
"Operativ Məlumat Mərkəzi-OMM" xarici mediaya istinadən xəbər verir ki, HDK-nın bəyanatında “HDK Komandanlığı qardaş və dost ölkələrin vətəndaşları üçün təhlükəsiz humanitar dəhlizlərin açılması və təxliyyələrin asanlaşdırılması məqsədilə humanitar atəşkəsin qorunması istiqamətində göstərdiyi səylərə görə minnətdarlığını bildirir”, - deyilib.
ABŞ və Səudiyyə Ərəbistana ölkədə böhranın başlanmasından bəri göstərdikləri fasiləsiz səylərə görə təşəkkür edilən açıqlamada: “HDK, beynəlxalq humanitar qanun prinsipləri və müharibə zamanı insan hüquqlarının müdafiəsi üzrə Cenevrə Konvensiyalarına uyğun olaraq, Birləşmiş Millətlər(BMT), Afrika, ABŞ, İngiltərə, Səudiyyə Ərəbistanı və Birləşmiş Ərəb Əmirlikləri (BƏƏ) ilə humanitar atəşkəsin daha 72 saat uzadılması təklifini təsdiq etdiyimizi bildiririk” - qeyd olunub.
