Şotlandiyanın birinci naziri və Şotlandiya Milli Partiyasının (SNP) lideri Həmzə Yusif digər partiyalarla fikir ayrılığına görə istefa verdiyini bildirib.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

“Siyasi parçalanmadan sonra münasibətlərimizi bərpa etmək ancaq başqasının rəhbərliyi ilə mümkündür”, - deyə o bildirib.

Küveytdə formalaşdırılan yeni hökumətin üzvləri and içib.

"Operativ Məlumat Mərkəzi-OMM" “TRT Haber”ə istinadən xəbər verir ki, bu barədə Küveytin rəsmi KUNA agentliyi məlumat yayıb.

Bildirilib ki, baş nazir Əhməd Abdullah əl-Əhməd əs-Sabah və 13 nazir Küveyt əmiri Şeyx Məşəl əl-Əhməd əl-Cabir əs-Sabahın hüzurunda and içib.

Küveyt əmiri hökumətdən strateji inkişaf layihələrinin icrasını sürətləndirməyi, prioritetlərin təqvimə görə müəyyənləşdirilməsini, qardaş ölkələrlə diplomatik əlaqələrin gücləndirilməsini və əməkdaşlıq sahələrinin artırılmasını tələb edib.

Qeyd edək ki, Küveytdə yeni hökumət mayın 12-də qurulub.

ABŞ və Ukrayna prezidentləri Cozef Bayden və Volodimir Zelenskinin yaxın bir neçə həftə ərzində görüş ehtimalı yüksəkdir.

"Operativ Məlumat Mərkəzi-OMM" Ukrayna KİV-ə istinadən xəbər verir ki, bunu ABŞ-nin dövlət katibi Antoni Blinken Kiyevdə Ukraynanın xarici işlər naziri Dmitro Kuleba ilə keçirdiyi birgə brifinqdə danışıqların yekununda deyib.

“Əminliklə gözləyirəm ki, yaxın həftələrdə onların bu fürsəti olacaq. Digər məsələlərlə yanaşı, biz ikitərəfli təhlükəsizliklə bağlı saziş imzalamaq niyyətindəyik”, - o bildirib.

İsrail hökuməti Fələstinin BMT Baş Assambleyasının Təhlükəsizlik Şurasına təşkilatın daimi üzvü kimi qəbuluna yenidən baxmağı tövsiyə edən qətnaməni yekdilliklə rədd edib.

"Operativ Məlumat Mərkəzi-OMM" xəbər verir ki, bu barədə İsrailin Baş naziri Benyamin Netanyahunun ofisinin bəyanatında deyilir.

“Bu qərar gələcək danışıqlar üçün əsas olmayacaq. Qeyd olunan qərar mübahisəli ərazilərin statusunu dəyişdirmir, gələcək danışıqlar üçün əsas olmayacaq və sülh yolu ilə həllin əldə olunmasına kömək etməyəcək”, - o bildirib.

Ukrayna prezidenti Vladimir Zelenski son günlər Rusiyanın Ukraynanın Xarkov şəhərinə artan hücumları səbəbindən İspaniya və Portuqaliyaya səfərlərini ləğv edib.

"Operativ Məlumat Mərkəzi-OMM" xəbər verir ki, İspaniya Kral Sarayı Zelenski ilə Kral VI Felipe arasında mayın 17-də cümə günü keçirilməsi planlaşdırılan görüşün ləğv edildiyini açıqlayıb.

Zelenskinin Madriddə İspaniya kralı VI Felipe və baş nazir Pedro Sançeslə görüşləri, təhlükəsizlik və müdafiə sahələrində ikitərəfli əməkdaşlıq sazişi imzalaması gözlənilirdi.

Ukrayna prezidentinin də İspaniyadan sonra Portuqaliyaya getməsi nəzərdə tutulurdu. Diplomatik mənbələr Rusiyanın Xarkova hücumlarının artması səbəbindən Zelenskinin bu iki ölkəyə səfərini təxirə salmalı olduğunu bildirib.

Təhlükəsizlik qüvvələri ötən gecə Yeni Kaledoniyanın paytaxtı Numea şəhərində iğtişaşlar zamanı 140 nəfəri həbs edib.

"Operativ Məlumat Mərkəzi-OMM"  xəbər verir ki, bu barədə "Reuters" Yeni Kaledoniya prezidentinin nümayəndəsinə istinadən məlumat yayıb.

Onun sözlərinə görə, iğtişaşlar nəticəsində 3 nəfər ölüb. Fransanın ali komissarı Lui Le Frank daha əvvəl açılan atəş nəticəsində bir nəfərin öldüyünü, iki nəfərin isə yaralandığını bildirib.

Ali komissar vurğulayıb ki, iğtişaşçılarla mülki müdafiə qüvvələri arasında atışma olub. Polis məntəqəsinə basqın cəhdi yaşanıb.

Fransanın daxili işlər naziri Jerald Dermanen bildirib ki, yüzlərlə insan, o cümlədən 100-ə yaxın polis və jandarm yaralanıb. Onlarla ev və ticarət obyekti yanıb.

Qeyd edək ki, Yeni Kaledoniyanın paytaxtı Numea şəhərində baş verən etirazlara cavab olaraq Fransa hakimiyyəti komendant saatı tətbiq edib və kütləvi tədbirləri qadağan edib.