Somalinin paytaxtı Moqadişoda hərbi təlim bazasına hücum nəticəsində 25 əsgər həlak olub.
"Operativ Məlumat Mərkəzi-OMM" xarici mediaya istinadən xəbər verir ki, bu barədə ölkənin Müdafiə Nazirliyi məlumat verib.
Hücumda 60-a yaxın əsgər də yaralanıb.
Yaralı əsgərlər Moqadişu Hərbi Tibb Mərkəzinə və Rəcəb Tayyib Ərdoğan Təhsil və Araşdırma xəstəxanasına yerləşdirilib.
Hadisə ilə bağlı araşdırmalara başlanılıb.
Hücuma görə məsuliyyəti "Əş-Şəbab" terror təşkilatı öz üzərinə götürüb.
