Həftələr ərzində yağan yağışlar Şimali Koreyada güclü daşqınlara səbəb olub. Ölkənin Çinlə sərhəd yaxınlığında yerləşən bir sıra rayonunu su basıb.

"Operativ Məlumat Mərkəzi-OMM" xarici mətbuata istinadla xəbər verir ki, KXDR-in lideri Kim Çen In həmin rayonlarda olub.

Cənubi Koreyanın qiymətləndirmələrinə görə, 1500-dən çox insan həlak olub və itkin düşüb.

Koreya Mərkəzi Teleqraf Agentliyinin məlumatına əsasən, 4 mindən çox ev təsərrüfatına, o cümlədən Sinıcu sərhəd şəhəri boyunca təxminən 3 min hektar əkin sahəsinə ziyan dəyib.

Şimali Koreya böyük miqdarda meşələrini qırır və buna görə də daşqınlara xüsusilə həssasdır. Fəlakətin tam miqyası məlum deyil. Şimali Koreya dəymiş ziyanın həcmi barədə dəqiq məlumat verməyib.

UEFA Çempionlar Liqasının pley-off mərhələsinin "Yanq Boys"la (İsveçrə) keçirilən cavab matçında rəqib komandanın futbolçusuna təpik atan Türkiyənin "Qalatasaray" klubunun qapıçısı Fernando Musleranın cəzası bəlli olub.

"Operativ Məlumat Mərkəzi-OMM" xəbər verir ki, UEFA uruqvaylı əlcək sahibini 3 oyunluq diskvalifikasiya edib.

Qeyd edək ki, 38 yaşlı qolkiper sözügedən qarşılaşmanın 87-ci dəqiqəsində fərqlənən Alan Virjinyusa təpik vuraraq münaqişəyə səbəb olub və qırmızı vərəqə ilə cəzalandırılıb.

"Yanq Boys"a hər iki oyunun nəticəsinə görə məğlub olan (2:4) "sarı-qırmızılar" yoluna UEFA Avropa Liqasının Liqa mərhələsində davam edəcək. F.Muslera PAOK (Yunanıstan), RFŞ (Latviya) ve "Elfsborq"la (İsveç) keçiriləcək matçlarda iştirak etməyəcək.

İngiltərənin "Mançester Siti" klubu futbolçusu Rodriyə yeni müqavilə təklif edib.

"Operativ Məlumat Mərkəzi-OMM" "The Athletic'"ə istinadən xəbər verir ki, "Real"ın (İspaniya) 28 yaşlı futbolçunu transfer etmək ehtimalını nəzərə alan "şəhərlilər" oyunçunun sözləşməsini uzunmüddətli etməyi planlaşdırır.

Yarımmüdafiəçinin hazırkı müqaviləsinin müddəti 2027-ci ildə başa çatacaq.

Qeyd edək ki, İspaniya millisinin üzvü 2019-cu ildən "Mançester Siti"də çıxış edir.

"Barselona" komandanın yarımmüdafiəçisi Lamin Yamalın gələcəyi ilə bağlı qərar verib.

"Operativ Məlumat Mərkəzi-OMM" "Marca"ya istinadən xəbər verir ki, gələn yay Yamalın 18 yaşı tamam olanda klub onunla 2030-cu ilə qədər yeni müqavilə imzalayacaq.

Cari mövsümdə "Barselona" oyunçunun maaşını artırmaq niyyətindədir.

Daha əvvəl PSJ-nin 17 yaşlı futbolçunun transferi üçün 200 milyon avro ödəməyə hazır olduğu bildirilirdi. Bununla belə, "Barselona" futbolçunu satmayacaqlarını açıqlayıb.

Yamal bu mövsüm La Liqada Kataloniya klubunda 5 oyun keçirib, 3 qol vurub və 4 məhsuldar ötürmə edib. Futbolçunun müqaviləsi 2026-cı ilin yayına kimi nəzərdə tutulub. 

"Napoli"nin idman direktoru Covanni Manna bildirib ki, klub hücumçu Xviça Kvaratsxeliya ilə müqaviləni uzatmaq istəyir.

"Operativ Məlumat Mərkəzi-OMM" xəbər verir ki, bu barədə "Sky Sports" məlumat yayıb.

“Onun 3 illik müqaviləsi var. Kvara ilə maraqlanan klublar var, amma biz əməkdaşlığımızı davam etdirmək istəyirik. "Napoli" müqaviləni uzatmaq üçün agentləri ilə işləyir", - deyə o bildirib.

23 yaşlı gürcü futbolçunun müqaviləsi 2027-ci ilin yayında başa çatır.

"Transfermarkt" portalı Kvaratsxeliyanın dəyərini 80 milyon avro qiymətləndirir.

Bu mövsüm forvard 5 oyun keçirib, 2 qol vurub və 2 məhsuldar ötürmə edib.

"Real Madrid" yaxın günlərdə fransız müdafiəçisi Ferland Mendi ilə müqaviləni uzadacaq.

"Operativ Məlumat Mərkəzi-OMM" xəbər verir ki, bu barədə “Marca” məlumat yayıb.

Yeni müqavilə 30 iyun 2027-ci ilə qədər qüvvədə olacaq.

Məlumata görə, müqavilənin uzadılması ilə bağlı danışıqlar bütün yay boyu aparılıb.

Müqavilənin uzadılması ilə bağlı rəsmi açıqlamanın yaxın günlərdə olacağı gözlənilir.

Mendi 2019-cu ilin yayından İspaniya nəhəngində çıxış edir. Bu müddət ərzində o, bütün turnirlərdə 175 matçda iştirak edib, bu matçlarda 6 qol vurub, 10 məhsuldar ötürmə edib.