Astanada keçirilən Şanxay Əməkdaşlıq Təşkilatının (ŞƏT) sammiti zamanı təşkilata üzv ölkələrin liderləri 25 sənəd imzalayıblar.

"Operativ Məlumat Mərkəzi-OMM" xəbər verir ki, bu barədə Qazaxıstan KİV-ləri məlumat yayıb.

İmzalanan sənədlər arasında Astana Bəyannaməsindən başqa, Şanxay Əməkdaşlıq Təşkilatının 2035-ci ilə qədər İnkişaf Strategiyasının layihəsinə dair ŞƏT-ə üzv dövlətlərin Başçıları Şurasının qərarı, təşkilatın fəaliyyətinin təkmilləşdirilməsinə dair ŞƏT Xarici İşlər Nazirləri Şurasının təklifləri üzrə qərar, 2025-2027-ci illər üçün terrorizm, separatizm və ekstremizmə qarşı mübarizədə əməkdaşlıq, 2024-2029-cu illər üçün Narkotiklərlə Mübarizə Strategiyasının və onun həyata keçirilməsi üzrə Fəaliyyət Proqramının təsdiq edilməsi haqqında qərar var.

Bundan başqa, 2030-cu ilə qədər enerji əməkdaşlığının inkişafı strategiyası da imzalanıb.

***

Şanxay Əməkdaşlıq Təşkilatına (ŞƏT) üzv ölkələrin liderləri birlik haqqında Astana Bəyannaməsini imzalayıblar.

"Operativ Məlumat Mərkəzi-OMM" xəbər verir ki, bu barədə Qazaxıstan KİV-ləri məlumat yayıb.

Türkiyədə hərəkətdə olan avtomobil atəşə tutulub, ölən və yaralananlar var.

"Operativ Məlumat Mərkəzi-OMM" xəbər verir ki, bu barədə “NTV Haber” məlumat yayıb.

Bildirilib ki, hadisə Diyarbəkir şəhərində baş verib və nəticədə iki nəfər ölüb, 6 nəfər isə yaralanıb.

Faktla bağlı araşdırma aparılır.

Məsud Pezeşkiyanın İran prezidenti kimi andiçmə mərasimi və yeni hökumətin təyinatı yaxın vaxtlarda baş tutacaq.

"Operativ Məlumat Mərkəzi-OMM" xəbər verir ki, bunu respublikanın daxili işlər naziri Əhməd Vahidi bildirib.

Vahidi yeni prezidentin vəzifəyə başlaması prosedurunun təfərrüatlarına da aydınlıq gətirib. Onun sözlərinə görə, Müşahidə Şurası (seçkilərə nəzarət edən parlamentin ən yüksək palatası) prezident seçkilərinin keçiriləcəyini təsdiqlədikdən sonra İranın ali lideri Əli Xamneyiyə göndərilən məktubda son nəticədə hansı namizədin seçildiyi açıqlanacaq.

Daxili İşlər Nazirliyinin rəhbərinin sözlərinə görə, məktub Xamneyi tərəfindən təsdiq edildikdən sonra parlamentdə seçilmiş prezidentin andiçmə mərasimi keçiriləcək. Daha sonra yeni prezident yeni Nazirlər Kabinetini təyin edəcək.

Prezident seçkilərinin ikinci turunda qalib gələn İranın yeni seçilmiş Prezidenti Məsud Pezeşkian siyasi rəqiblərini “qardaş” adlandırıb və hər kəsə dostluq əli uzadacağına söz verib.

"Operativ Məlumat Mərkəzi-OMM" xəbər verir ki, bu barədə “Nour News” agentliyi məlumat yayıb.

“Hər kəsə dostluq əli uzadacam, hamını ölkənin inkişafına cəlb edəcəm. Rəqiblər mənim qardaşlarımdır”, - o vurğulayıb.

İslahatçı Məsud Pezeşkian İranda keçirilən prezident seçkilərinin ikinci turunda mühafizəkar Səid Cəliliyə qalib gəlib.

"Operativ Məlumat Mərkəzi-OMM" xəbər verir ki, bunu ölkənin Seçki Qərargahının rəsmi nümayəndəsi Mohsen Eslami açıqlayıb.

Onun IRIB telekanalında bildirdiyinə görə, 30,53 milyon bülletenin hamısının emalının nəticələrinə əsasən, müasir İran tarixində doqquzuncu seçilmiş prezident olan Pezeşkiyan 16,384 milyon səs toplayıb – səslərin azı 53,6 faizi.

İran liderinin respublikanın Ali Milli Təhlükəsizlik Şurasındakı nümayəndəsi, mühafizəkar Səid Cəlili 13,538 milyon – 44,3% səs toplayıb.

İranda keçirilən prezident seçkilərində seçici fəallığı 49,8% təşkil edib.

Qeyd edək ki, İran prezidenti ali rəhbər Əli Xameneidən sonra ölkədə əhəmiyyətcə ikinci siyasətçidir. Prezidentin vəzifələrinə konstitusiyanın müddəalarını həyata keçirmək və icra hakimiyyətinə rəhbərlik etmək daxildir. İranın xarici siyasətinin ümumi istiqaməti yeni prezidentdən asılı olacaq.

Seçkilərin ilkin nəticələrinə əsasən, islahatçı Məsud Pezeşkian İranın növbəti prezidenti olacaq.

"Operativ Məlumat Mərkəzi-OMM" xəbər verir ki, bu barədə ölkənin “Tehran Times” qəzeti bülletenlərin sayılması ilə bağlı qeyri-rəsmi məlumatlara istinadən yazıb.

İranda prezident seçkilərinin ikinci turunda islahatçı Məsud Pezeşkian 17 milyon səslə qalib gəlib. 14 milyon seçici onun rəqibi mühafizəkar Səid Cəliliyə səs verib.

Nəşrin məlumatına görə, ikinci turda seçici fəallığı təxminən 50 % təşkil edib - İranda qeydə alınmış 61 milyon seçicidən 30 milyondan çox insan səs verib. Prezident seçkilərinin birinci turunda seçici fəallığı təxminən 40 % təşkil edib ki, bu da islam respublikası tarixində ən aşağı göstəricidir.

***

İranda prezident seçkilərinin ikinci turunda səsvermə başa çatıb və səslərin hesablanmasına başlanılıb.

"Operativ Məlumat Mərkəzi-OMM" xəbər verir ki, bu barədə İslam Respublikasının Seçki Qərargahının nümayəndəsi Möhsün Eslami məlumat verib.

“Səsvermə vaxtı sona çatıb. Bu seçki kampaniyasının başa çatdığını göstərir”, – o, IRIB telekanalında deyib. Qurum rəsmisi həmçinin seçki komissiyasının region şöbələrinin bütün əməkdaşlarına və bütün seçki təşkilatçılarına təşəkkür edib. Səsvermə məntəqələri bağlandıqdan sonra səslərin hesablanması başlayır.

Seçki məntəqələri yerli vaxtla saat 18:00-da (Bakı vaxtı ilə 18:30) bağlanmalı olsa da, istilərə görə - Tehranda bu gün havanın temperaturu 40 dərəcəni keçib, ölkənin cənubunda isə 51 dərəcəyə çatıb - səsvermə üçün vaxt üç dəfə uzadılıb, yekunda yerli vaxtla 00:00-da (Bakı vaxtı ilə 00:30) başa çatıb.

***

İranda seçki məntəqələrinin işi prezident seçkilərində səsvermə ilə əlaqədar ikinci dəfə iki saat uzadılıb.

"Operativ Məlumat Mərkəzi-OMM"-in İSNA-a istinadən verdiyi məlumata əsasən, səsvermə yerli saatla 22:00-a qədər uzadılıb.

İslam Respublikasının Seçki Qərargahının nümayəndəsi Möhsün Eslami bildlrib ki, səsvermə saatının uzadılması barədə çoxlu sayda çağırış olub və bu səbəbdən də müvafiq qərar qəbul edilib.

***

İranda növbədənkənar prezident seçkilərinin ikinci turunda səsvermə vaxtı iki saat uzadılıb.

"Operativ Məlumat Mərkəzi-OMM" TASS-a istinadən xəbər verir ki, bu barədə İslam Respublikasının Seçki Qərargahının nümayəndəsi Möhsün Eslami məlumat verib.

O bildirib ki, bütün seçki məntəqələrində səsvermə yerli vaxtla saat 20:00-a qədər uzadılıb.