OMM Redaksiyası
İranın İslam İnqilabı Keşikçiləri Korpusu (SEPAH) ABŞ və İsrail tərəfindən həyata keçirilən hərbi zərbələrə rəsmi münasibət bildirib.
"Operativ Məlumat Mərkəzi-OMM" "Reuters" agentliyinə istinadən xəbər verir ki, Tehranın cavab tədbirləri düşmən tamamilə darmadağın edilənədək fasiləsiz şəkildə davam etdiriləcək.
Xatırladaq ki, fevralın 28-i səhər saatlarında İsrail İrana qarşı preventiv zərbələr endirib. Bu hücum faktını ölkənin müdafiə naziri İsrael Kats da təsdiqləyib.
"The New York Times" qəzeti öz mənbələrinə istinadən xəbər verir ki, Tehrana endirilən zərbələrdə ABŞ də yaxından iştirak edib.
"Al Jazeera" telekanalının təhlilinə əsasən, bu birgə hücumlar İslam Respublikasının milli təhlükəsizlik sistemini zəiflətmək məqsədi daşıyır.
