İndoneziyanın Yava adasının şərqində yerləşən Semeru vulkanında baş verən partlayışdan sonra köməksiz vəziyyətdə qalan 178 dağçı xilas edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilb ki, Semeru vulkanındakı partlayışın ardından yüksəksəviyyəli xəbərdarlıq vəziyyəti davam edir.
İndoneziya Milli Axtarış-Xilasetmə Agentliyi (BASARNAS) açıqlama yayaraq, vulkandakı partlayışdan sonra dünən dağ yolunda 178 nəfər dağçının köməksiz vəziyyətdə qaldığını bildirib.
Digər tərəfdən, İndoneziya Milli Fəlakət İdarəetmə Agentliyi (BNPB), Lumajang bölgəsində 300 nəfərin təxliyə edildiyini açıqlayıb.
