Rusiyanın Sankt-Peterburq şəhərindəki kafedə baş vermiş partlayış nəticəsində xəsarət alanların sayı 40-a çatıb.
"Operativ Məlumat Mərkəzi-OMM" xəbər verir ki, bu barədə ölkənin Səhiyyə Nazirliyindən bildirilib.
Qeyd olunub ki, onlardan 25-i hələ də xəstəxanadadır.
Xatırladaq ki, aprelin 2-də Sankt-Peterburqdakı kafelərdən birində partlayış olub. Hərbi müxbir Vladlen Tatarskinin ölümü ilə nəticələnən hadisədə şübhəli bilinən 1997-ci il təvəllüdlü Darya Trepova saxlanılıb.
