Afət Ziyadqızı
Rusiyanın xarici işlər naziri Sergey Lavrov oktyabrın 13-də Moskvada keçiriləcək Rusiya–Ərəb Əməkdaşlıq Forumunun yeddinci nazirlər iclasında iştirak edəcək.
"Operativ Məlumat Mərkəzi-OMM" xəbər verir ki, Rusiya Xarici İşlər Nazirliyinin sözçüsü Mariya Zaxarova bu barədə məlumatı nazirliyin saytında yayımlanan brifinqdə verib.
Onun sözlərinə görə, tədbirdə Ərəb Dövlətləri Liqasının baş katibi Əhməd Əbul Qeytin, həmçinin bir sıra ərəb ölkələrinin xarici işlər nazirlərinin də iştirakı gözlənilir. Bundan əlavə, Rusiya prezidentinin köməkçisi Yuri Uşakovun verdiyi məlumata əsasən, Rusiya tərəfi 22 ərəb ölkəsinin liderlərini sammitə dəvət edib.
