Rusiya Müdafiə Nazirliyi Polşada heç bir obyektin hədəfə alınmasının planlaşdırılmadığına diqqət çəkib.
"Operativ Məlumat Mərkəzi-OMM"xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, nazirlik qeyd edib ki, Rusiya qüvvələri İvano-Frankovsk, Xmelnitski və Jitomir vilayətlərində, həmçinin Vinnitsa və Lvov şəhərlərində Ukraynanın hərbi sənaye müəssisələrinə zərbələr endirib. Polşada heç bir obyektin hədəfə alınması planlaşdırılmırdı. Polşa sərhədini keçdiyi iddia edilən pilotsuz uçuş aparatlarının uçuş məsafəsi 700 kilometri keçmir.
"Lakin biz bu məsələ ilə bağlı Polşa Müdafiə Nazirliyi ilə məsləhətləşmələr aparmağa hazırıq", - Rusiya Müdafiə Nazirliyi vurğulayıb.
