Rusiya fövqəladə hallar naziri FHN-in Akademiyasında olub

Rusiya fövqəladə hallar naziri FHN-in Akademiyasında olub
31.01.2024 18:15
Aa
dəq

Rusiyanın mülki müdafiə, fövqəladə hallar və təbii fəlakətlərin nəticələrinin aradan qaldırılması üzrə naziri general-leytenant Aleksandr Kurenkovun başçılıq etdiyi nümayəndə heyəti ölkəmizə səfəri çərçivəsində Fövqəladə Hallar Nazirliyinin Akademiyasında olub.

"Operativ Məlumat Mərkəzi-OMM" xəbər verir ki, Azərbaycanın fövqəladə hallar naziri general-polkovnik Kəmaləddin Heydərovun iştirak etdiyi tədbirdə qonaqlara ali təhsil müəssisəsi haqqında ətraflı məlumat verilib.

Bildirilib ki, Akademiya FHN üçün xüsusi ixtisaslı ali təhsilli kadrların hazırlanmasını həyata keçirən, fövqəladə hallar sahəsində fundamental, nəzəri-metodoloji, pedaqoji-metodiki və tətbiqi elmi tədqiqatlar aparan xüsusi təyinatlı ali təhsil müəssisəsidir. Akademiyada beynəlxalq əlaqələrə xüsusi diqqət verildiyi vurğulanıb, ali təhsil ocağının bir sıra ölkələrin müvafiq təhsil müəssisələri, o cümlədən Rusiya Fövqəladə Hallar Nazirliyinin Mülki Müdafiə Akademiyası ilə uğurla əməkdaşlıq etdiyi qeyd olunub.

Qonaqlar Akademiyada fəaliyyət göstərən Heydər Əliyev Mərkəzinin fəaliyyəti ilə tanış olub, konfrans zalı, fənn kabinetləri və kitabxanaya baş çəkiblər. Nazir Aleksandr Kurenkov Heydər Əliyev Mərkəzində Akademiyanın xatirə kitabına ürək sözlərini yazıb.

Səmimi görüşə görə təşəkkürünü bildirən rusiyalı nazir Akademiyanın fəaliyyətini yüksək qiymətləndirib, qarşılıqlı faydalı əməkdaşlığın daha da genişləndirilməsinin əhəmiyyətini qeyd edib.

Həftənin ən çox oxunanları

Fikrət Məmmədov Konstitusiya Məhkəməsinin kollektivinə təqdim olunub

Fikrət Məmmədov Konstitusiya Məhkəməsinin kollektivinə təqdim olunub
DAVAMIN OXU davamın oxu

FHN-in Tibb xidməti seminarlar keçirib

FHN-in Tibb xidməti seminarlar keçirib
DAVAMIN OXU davamın oxu

Asiya Parlament Assambleyasının 14-cü plenar sessiyası başa çatıb

Asiya Parlament Assambleyasının 14-cü plenar sessiyası başa çatıb
DAVAMIN OXU davamın oxu

Ombudsman Səbinə Əliyeva Xocalıda tapılan kütləvi məzarlıqla bağlı çağırış edib

Ombudsman Səbinə Əliyeva Xocalıda tapılan kütləvi məzarlıqla bağlı çağırış edib
DAVAMIN OXU davamın oxu

Narkomanlığa qarşı mübarizənin gücləndirilməsi məqsədilə Dövlət Komissiyasının iş planı təsdiqlənib

Narkomanlığa qarşı mübarizənin gücləndirilməsi məqsədilə Dövlət Komissiyasının iş planı təsdiqlənib
DAVAMIN OXU davamın oxu