Afət Ziyadqızı
Rusiya Təhlükəsizlik Şurası katibinin müavini Aleksandr Venediktov Əlcəzair Prezidenti Əbdülməcid Tebbunenin bu ilin 28–29 oktyabr tarixlərində keçirilməsi nəzərdə tutulan üçüncü Rusiya–Afrika sammitində iştirakına ümid etdiklərini açıqlayıb. Bu barədə məlumatı Venediktov Əlcəzairin Sənədləşmə və Xarici Təhlükəsizlik Baş İdarəsinin Təhlil və Qiymətləndirmə direktoru Belkassemi Camel ilə keçirilən görüş zamanı verib.
Venediktov Əlcəzairi Rusiyanın Afrika qitəsindəki mühüm tərəfdaşlarından biri kimi xarakterizə edərək, iki dövlət arasında mövcud olan siyasi dialoqun əhəmiyyətini vurğulayıb. O, "Dərinləşdirilmiş Strateji Tərəfdaşlıq Bəyannaməsi" əsasında əməkdaşlığın gələcəkdə daha da genişlənəcəyinə inamını ifadə edib.
Görüş çərçivəsində Rusiya rəsmisi cari ilin ikinci yarısında təhlükəsizlik məsələləri üzrə ikitərəfli məsləhətləşmələrin təşkil olunmasını təklif edib. Tərəflərin bu müzakirələrdə aşağıdakı mövzulara toxunması gözlənilir:
- Strateji ticarət-iqtisadi layihələr
- Regional məsələlər
- Qlobal sabitliklə bağlı vəziyyət
Qeyd edək ki, TASS beynəlxalq təhlükəsizlik forumunun informasiya tərəfdaşıdır.
