Ağır cinayətlərdə təqsirləndirilən Ermənistan vətəndaşı Ruben Vardanyan barəsində yekun məhkəmə qərarı elan olunub.
"Operativ Məlumat Mərkəzi-OMM" xəbər verir ki, Ruben Vardanyan Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri və terrorçuluğu maliyyələşdirmə maddələri ilə təqsirli bilinib.
Hökmə əsasən, R.Vardanyan qəti olaraq 20 il müddətinə azadlıqdan məhrumetmə cəzasına məhkum edilib.
Açıq məhkəmə prosesi Bakı Hərbi Məhkəməsində hakimlər Zeynal Ağayevin sədrliyi ilə, Camal Ramazanovdan və Anar Rzayevdən ibarət tərkibdə keçirilib. Təqsirləndirilən şəxs tərcüməçi və dövlət hesabına vəkillə təmin olunub.
İclasda təqsirləndirilən şəxs, onun müdafiəçisi, zərərçəkmişlər və onların nümayəndələri, prokurorlar, həmçinin Azərbaycan dövləti adından zərərçəkmiş qismində Nazirlər Kabineti Aparatının rəhbəri Rüfət Məmmədov iştirak edib.
Xatırladaq ki, məhkəmə iclasında dövlət ittihamçısı təqsirləndirilən R.Vardanyanın ömürlük azadlıqdan məhrum edilməsini təklif etmişdi.
