"Rusiya 2026-cı ildə Kollektiv Təhlükəsizlik Müqaviləsi Təşkilatına (KTMT) sədrlik edən ölkə olaraq, təşkilatın təhlükəsizlik komponentinin inkişafına böyük əhəmiyyət verir".
"Operativ Məlumat Mərkəzi-OMM" xəbər verir ki, bu sözləri Rusiya xarici işlər nazirinin müavini Aleksandr Pankin deyib.
O bildirib ki, planlar KTMT-nin kollektiv qüvvələrinin döyüş potensialının artırılmasına diqqət yetirməyi nəzərdə tutur:
"Biz təşkilatın təhlükəsizlik komponentinin inkişafına böyük əhəmiyyət veririk. KTMT-nin kollektiv qüvvələrinin döyüş potensialının artırılmasına və onların müasir və uyğun silah və avadanlıqlarla təchiz olunmasına diqqət yetirməyi planlaşdırırıq".
Pankinin sözlərinə görə, iş müasir hərbi obyektlərin təcrübəsi nəzərə alınmaqla, mövcud və gələcək çətinliklərin xarakterinə uyğun olaraq qurulacaq.
Rusiya xarici işlər nazirinin müavini həmçinin qeyd edib ki, KTMT-yə bir illik sədrliyi dövründə Rusiya aviasiya komponentinin inkişafına xüsusi diqqət yetirəcək.
