Rəsmi Bakı: “Niderland hökumətinin fikirləri qəbuledilməzdir”

Rəsmi Bakı: “Niderland hökumətinin fikirləri qəbuledilməzdir”
14.12.2023 20:37
Aa
dəq

Xarici İşlər Nazirliyinin mətbuat katibi Ayxan Hacızadə Niderland Krallığı hökumətinin Azərbaycanla bağlı açıqlamasını qəbuledilməz adlandırıb.

"Operativ Məlumat Mərkəzi-OMM"-in xəbərinə görə, o deyib ki, Niderland 30 il ərzində Azərbaycanın suverenliyinin və ərazi bütövlüyünün işğalçı və təcavüzkar Ermənistan tərəfindən pozulması, azərbaycanlılara qarşı etnik təmizləmə siyasəti yürütməsi, 1 milyondan çox azərbaycanlının məcburi köçkün və qaçqın vəziyyətinə düşməsi faktlarını heç zaman diqqətə almayıb.

"Azərbaycanın dəfələrlə ərazilərimizdə qanunsuz mövcudluğunu davam etdirən erməni silahlı qüvvələrinin bölgədə təhlükə mənbəyi olduğunu bildirməsinə və beynəlxalq hüquqa uyğun olaraq onların dərhal çıxarılmasına dair çoxsaylı çağırışlar etməsinə baxmayaraq, Niderland tərəfinin Azərbaycanın öz ərazilərində həyata keçirdiyi antiterror tədbirlərini tənqid etməsi qərəzli yanaşmanın bariz nümunəsidir.

44 günlük Vətən müharibəsinin, habelə 2023-cü ilin sentyabr ayında həyata keçirilən 24 saatlıq antiterror tədbirlərinin beynəlxalq hüququn norma və prinsiplərinə uyğun olaraq Azərbaycanın suveren ərazilərində həyata keçirildiyini və ölkəmizin legitim üsullarla öz suverenliyini bərpa etdiyini bir daha xatırladırıq", - A.Hacızadə bildirib.

O qeyd edib ki, Azərbaycan heç vaxt erməni sakinləri Qarabağdan çıxarmayıb və regionu tərk etməmək barədə Azərbaycanın çağırışlarına baxmayaraq, Ermənistana və digər ölkələrə miqrasiya etmək onların qərarı olub: "Birləşmiş Millətlər Təşkilatının bölgəyə missiyaları Azərbaycan tərəfinin mülki əhalini hədəf almadığını təsdiq edib və Niderland Krallığında yerləşən Beynəlxalq Ədalət Məhkəməsi də bu istiqamətdə Ermənistanın son iddialarını rədd edib.

Niderland tərəfinin bölgənin beynəlxalq hüquq prinsiplərinə hörmət əsasında gələcək inkişafı və tərəqqisinə maneçilik törədən bu kimi bəyanatlara son qoyması faydalı olardı".

Qeyd edək ki, Niderland Krallığının hökuməti Ermənistana yardım ayrılması barədə verdiyi 13 dekabr tarixli açıqlamada guya “etnik erməni anklavına qarşı Azərbaycanın hücumu nəticəsində 100000 erməninin öz evlərindən güclə qovulduqlarını” iddia edib.

Həftənin ən çox oxunanları

Hikmət Hacıyev: Ermənistan Xocalı soyqırımına görə dövlət olaraq məsuliyyət daşıyır

Hikmət Hacıyev: Ermənistan Xocalı soyqırımına görə dövlət olaraq məsuliyyət daşıyır
DAVAMIN OXU davamın oxu

Abdullah Gül Prezident İlham Əliyevi təbrik edib

Abdullah Gül Prezident İlham Əliyevi təbrik edib
DAVAMIN OXU davamın oxu

Azərbaycan nümayəndə heyəti ATƏT PA-da britaniyalı deputatın qərəzli çıxışına cavab verib

Azərbaycan nümayəndə heyəti ATƏT PA-da britaniyalı deputatın qərəzli çıxışına cavab verib
DAVAMIN OXU davamın oxu

Azay Quliyev: Fransanın siyasəti Cənubi Qafqazın təhlükəsizliyinə xələl gətirir

Azay Quliyev: Fransanın siyasəti Cənubi Qafqazın təhlükəsizliyinə xələl gətirir
DAVAMIN OXU davamın oxu

XİN: Paşinyanın müsahibəsi Fransanın sülhə mənfi təsirlərinin göstəricisidir

XİN: Paşinyanın müsahibəsi Fransanın sülhə mənfi təsirlərinin göstəricisidir
DAVAMIN OXU davamın oxu