"Leyptsiq"in yarımmüdafiəçisi Dani Olmo qış transfer pəncərəsində klubunu dəyişə bilər.
"Operativ Məlumat Mərkəzi-OMM" "Bild"ə istinadən xəbər verir ki, 25 yaşlı ispan yarımmüdafiəçinin xidmətində "Real Madrid" maraqlıdır.
Los Blankos Olmonu yaxından izləyir.
Daha əvvəl məlumat yayılmışdı ki, "Yuventus" yarımmüdafiəçiyə göz dikib və gələn yay oyunçu ilə müqavilə imzalamağı planlaşdırır.
Bu mövsüm Olmo bütün yarışlarda dörd oyunda meydana çıxıb, 5 qol vurub və 1 məhsuldar ötürmə edib.
Yarımmüdafiəçinin "Leyptsiq" ilə müqaviləsi 2027-ci ilə qədərdir.